თუ თქვენ ან თქვენს ახლობელს სჭირდება ელექტრო, მექანიკური, აბაზანის ან პედიატრიული ეტლი, საქართველოში მათი მიღება სრულიად უფასოდ არის შესაძლებელი. ამისთვის თქვენ ან თქვენმა კანონიერმა წარმომადგენელმა უნდა მიაკითხოთ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ან საბუთები გადმოაგზავნოთ ფოსტით. 

ეტლების მისაღებად უნდა წარადგინოთ შემდეგი საბუთები:

• პირის პირადობის დამადასტურებელი დოკუმენტი, 18 წლამდე ასაკის პირის შემთხვევაში, დაბადების მოწმობის ასლი;
• მექანიკური ეტლის მოთხოვნის შემთხვევაში, დამხმარე საშუალების გაცემა შესაძლებელია სამედიცინო დოკუმენტაციის ფორმა №IV-100/ა-ის საფუძველზე;
• ელექტრო ან პედიატრიული ეტლის მისაღებად,  უნდა წარადგინოთ სამედიცინო სოციალური ექსპერტიზის შემოწმების აქტი – ფორმა №IV-50/2.

ნებისმიერი ტიპის ეტლის აღებისას, თქვენ გაქვთ შესაძლებლობა სააგენტოში იმავე დროს მოითხოვოთ სააბაზანოს ეტლიც.